«Милан» Москванинг ЦСКА клуби яримҳимоячиси Никола Влашич трансфери бўйича янги таклиф билан чиқди, дея хабар беради Sky Italia.
Манбанинг хабарига кўра, италянлар 25 миллион евро эвазига футболчини бир йил муддатга ижарага олишни режа қилган. Бироқ бунга ЦСКАнинг реакцияси ҳали номаълум.
Олдинроқ «армиячилар» Николани 35 миллион еврога баҳолагани ҳақида хабар берилган эди.
Ўтган мавсумда 23 ёшли Влашич ЦСКА таркибида барча турнирлар доирасида 34 учрашув ўтказиб, уларда 12 гол урди ва 6 голга самарали узатмани амалга оширди. Унинг клуб билан шартномаси 2024 йилнинг ёзигача амал қилади.