Англия терма жамоаси бош мураббийи Гарет Саутгейт Евро-2020 финалидаги муваффақиятсизликдан сўнг терма жамоадаги келажаги ҳақида гапирди.

"Биз Қатарда бўлиб ўтадиган Жаҳон чемпионатига чиқиш учун курашишимиз керак. Аммо ҳозир ўзимга келиш ва Евро-2020даги ўйинимизни таҳлил қилиш учун вақт керак. Бундай мусобақаларда терма жамоани бошқариш жуда қийин, бунинг учун мен жуда кўп куч ва вақт сарфлайман, шунинг учун дам олишим керак. Кейин эса ЖЧ-2022 танловида жамоа билан ишлашга умид қиламан", - дейди мураббий.

Маълумот учун, 50 ёшли Саутгейт 2016-йилдан бери Англияга устозлик қилмоқда. Унинг бошчилигида инглизлар ЖЧ-2018да тўртинчи, Миллатлар лигаси-2019да учинчи, Евро-2020да иккинчи ўринни эгаллашди.