Дарвозабон Жанлуижи Доннарумма ПСЖ билан шартнома имзолашга яқин турибди.
Журналист Муҳаммад Бухафсийнинг хабар беришича, 22 ёшли дарвозабон француз клуби билан шартнома имзолаш учун эртага Парижга учиб кетади.
Таъкидланишича, Доннарумма бир кунни Парижда ўтказади, мураббийлар штаби ва футболчилар билан танишади, сўнгра бир неча кун дам олади.
Эслатиб ўтамиз, Доннарумма «Милан»ни эркин агент сифатида тарк этди, футболчи янги шартнома шартларида «россонерилар» билан келиша олмади.
Аввалроқ, Доннарумма Евро-2020 турнирининг энг яхши футболчиси совринига эга бўлган эди.
