Миланнинг «Интер» клуби янги мавсум учун уй либосини тақдим этди.

Янги уй либоси Aмериканинг Nike компанияси билан ҳамкорликда тайёрланган. Либосда илон териси бичимида кўк ва қора ранглар уйғунлигидан фойдаланилган. Футболканинг чап томон гавда қисмида тилларангда клуб эмблемаси тасвири, ўнг томон қисмига эса Nike компанияси логотипи туширилган.

Футболканинг ёқа қисми қора рангда бўлиб лотинча «V» ҳарфи шаклида бичилган. Либоснинг олд томон қисмида клуб ҳамкори «Pirelli» логотипи тасвирланганди. Бироқ миланликлар якунда ҳамкорлари номини футболкада тасвирлаш фикридан воз кечди. Ёқанинг ички қисмида жамоанинг янги бренд номи ёуви бор — «Inter Milano». Шорта ва гетриларда қора рангдан фойдаланилган. Уларда клуб ва техник ҳамкор логотипи тасвирланган.

Эслатиб ўтамиз, клуб 27 йил деганда илк марта асосий молиявий ҳамкори ҳисобланган «Pirelli» компанияси логотипини либосларда тасвирламади.