«Боруссия Дортмунд»нинг норвегиялик форварди Эрлинг Холанднинг агенти Мино Райола футболчининг ёзги трансфер ойнаси учун жамоадан кетиши бўйича иш бошлади, дея хабар беради журналист Николо Скира.
Манбага кўра, «Боруссия» форвардни 175 миллион еврога баҳоламоқда. Холандга асосий даъвогар Лондоннинг «Челси» клуби, аммо «Реал» ҳам футболчи атрофидаги вазиятни кузатмоқда.
Ўтган мавсумда 20 ёшли футболчи Боруссия клуби таркибида барча турнирлар доирасида 41 учрашув ўтказган бўлиб, 41 гол урган ва 12 голга узатма беришни уддалаган. Эрлингнинг клуб билан шартномаси 2024 йилнинг ёзигача амал қилади.
