«Челси» «Ювентус» ярим ҳимоячиси Федерико Кьезага қизиқиш билдирмоқда.
Лондон клуби «Юве» билан боғланиб, Кьезанинг трансфери учун бошланғич сумма сифатида 100 миллион евро таклиф қилди.
«Ювентус» 23 ёшли италияликнинг «Челси»га ўтиши тўғрисида музокара ўтказишдан бош тортди, дея ёзади "Sport Bild" журналисти Кристиан Фалк.
Эслатиб ўтамиз, 23 ёшли футболчи Италия терма жамоаси учун ғалаба қозонган Европа чемпионатини ёрқин тарзда ўтказди ва УЕФА версиясига кўра мусобақанинг рамзий жамоасига кирди. Федерико мазкур турнирда 2 та гол уришга муваффақ бўлди.
Маълумот ўрнида, якунланган мавсумда ярим ҳимоячи А Серияда 33 учрашув ўтказиб, 9 гол урди ва 9 голли узатма берди.
