"Сассуоло" "Ливерпуль" ярим ҳимоячиси Марко Груйични нишонга олмоқда, дея хабар беради журналист Фабрицио Романо.
Манбанинг хабарига кўра, италияликлар 25 ёшли сербияликни "Ювентус"га кетишга яқин турган Мануэль Локателли ўрнига ўринбосар сифатида кўришмоқда.
Маълумот учун, Груйич ўтган мавсумни "Порту"да ижарада ўтказди. Унинг "Ливерпуль" билан шартномаси 2023-йилгача мўлжалланган.
Ярим ҳимоячининг трансфер қиймати 15 миллион еврога баҳоланмоқда.