«Diario AS» нашрининг хабар беришича, ҳужумчи Килиан Мбаппенинг келажаги икки ҳафта ичида ҳал қилинади.
Футболчининг «ПСЖ» билан амалдаги шартномаси 2022 йил июнгача амал қилади. Парижликлар бундай юқори тоифадаги футболчини текинга қўйиб юбормоқчи эмаслар, шунинг учун форвард билан шартномани узайтирмоқчи. Агар улар келишувни узайтира олмасалар, катта эҳтимол билан Мбаппе Парижни шу ёзда тарк этади.
Айни пайтда, Килианга асосий даъвогар Мадриднинг «Реал» клуби ҳисобланади. «Қаймоқранглилар» ҳозирда Мбаппенинг атрофидаги вазиятни кузатиб турибди.
