«Барселона» клуби ярим ҳимоячи Миралем Пьянич кейинги мавсум А Серияда тўп тепиши мумкин. Буни футболчининг ўзи хоҳламоқда. Аммо, Миралемнинг юқори маоши туфайли бирор бир клуб аниқ таклиф билан мурожаат қилмаяпти.
«Кўк-анорранглилар» яқинда 31 ёшли футболчининг кетишини тезлаштириш мақсадида унга шарт қўйди. Яъни ҳозирда оляётган маошини бироз пасайтириш керак.
«Барса» боснияликни ижарага олиш учун учта таклиф олди: «Ювентус», «Интер» ва «Рома». Бу ҳақида «Diario Sport» нашри хабар тарқатмоқда.
Аммо ушбу клублардан бирига ўтиш учун футболчи айни пайтда каталонияликлар таркибида олаётган маошини қисқартириши керак. Футболчи ҳозирда ушбу таклифни ўйлаб кўрмоқда. «Барселона» бу масалани келаси ҳафтадан кечиктирмасдан ҳал қилишга умид қилмоқда.
