Аргентина терма жамоаси яримҳимоячиси Леандро Паредес миллий терма жамоадаги жамоадоши, ҳужумчи Лионел Месси учун Америка кубогини ютишнинг аҳамияти ҳақида гапирди.
«Нафақат биз, балки 45 миллион аҳолиси бўлган бутун Аргентина аҳли ҳам бир бўлиб Леони терма жамоа билан бирга кубок ютишини хоҳлади.
Бунга ўз ёрдамингни беришинг ва у билан бундай завқни баҳам кўришинг ажойиб туйғу. Сўнгги 45 кун ичида Мессини ҳеч қачон бунчалик бахтли кўрмаганман. Унга айни пайтдаги жамоа муҳити жуда ёқди.
Бу бизни хурсанд қилган терма сафари бўлди. Бу биз учун кўпдан бери орзу қилган ақл бовар қилмас Америка кубоги бўлиб қолади», - дейди футболчи.
