«Тоттенхэм» мураббийи Нуну Эспирито Санту жамоани ёзда тарк этиши тахмин қилинаётган инглиз ҳужумчиси Ҳарри Кейн билан ҳамкорликда шубҳаланмаслигини тан олди.
«Менда шубҳа йўқ. Мен Ҳаррининг соғайишини ва бироз дам олишини истайман. У келганда, аввалгиданда яхшироқ ўйнаши кераклигини ҳис қилади. Биз шуҳратпарастмиз, муваффақиятга эришишни истаймиз ва Ҳаррининг янада ривожланишини кутмоқдамиз.
Ҳарри бизнинг футболчимиз. Бошқа нарса ҳақида гапиришнинг ҳожати йўқ. Энди унинг дам олиш вақти келди. У қайтиб келганида, биз унинг келажагини муҳокама қилишимиз мумкин. Кейннинг жамоага қўшилишини сабрсизлик билан кутяпман», - дея Нунунинг сўзларини келтиради «Sky Sports» нашри.
Хабарингиз бор, Кейнга асосий давогарлардан бири бу «Манчестер Сити».
