"Валенсия" клуби президенти Мануэль Льоренте ОАВларига берган интервьюсида, "Валенсия"нинг уй стадиони бўлмиш "Месталья"ни кубок финали учун тақдим этишга тайёр эканлигини таъкидлади.

"Кубок финалини Местальяда ўтказилишини исташса, марҳамат - стадионимизни бажонидил финал ўйини учун тақдим этишга ва бу ўйинни юқори савияда ўтказиш учун барча шарт-шароитларни яратиб беришга тайёрмиз. Финал ўйини жуда қизиқарли ва курашларга бой ўтишига шубҳа йўқ. Қоларерса шахримиз аҳолиси ва футбол мухлислари учун ҳам бу фойдали бўлади деб ўйлайман",- дейди "Валенсия" президенти.

Эслатиб ўтамиз, аслида режага мувофиқ бу йилги кубок финали  Мадриддаги "Сантьяго Бернабео" да ўтказилиши лозим эди. Аммо, бундан бир неча соат олдин тарқатилган маълумотларда Мадриднинг "Реал" клуби ўз уй стадионларини кубок финали учун бермасликка қарор қилганлиги айтилган. Бунга сабаб сифатида, мадридликларнинг ашаддий рақиби бўлган "Барселона"нинг финалга йўл олганлиги кўрсатилмоқда. "Барса"нинг ғалабаси, мадрид клуби мухлислари учун оғир кечиши мумкинлигини бунга сабаб қилиб кўрсатишмоқда.

Ҳозирча Испания Футбол Федерацияси (RFEF) финал ўйини қайси стадионда ўтказилиши ҳақида қарор қабул қилмаган.