Англия терма жамоасининг ўтмишдаги энг яхши ҳужумчиларидан бири Гари Линекернинг айтишича, «Тоттенҳэм» бош мураббийи бир вақтнинг ўзида ҳам клубда, ҳам Англия терма жамоасида иш олиб бориши керак.

«Англия терма жамоасининг янги бош мураббийи инглиз бўлиши керак деб ўйлайман. Терма жамоада англиялик футболчилар тўп суришмоқда, шундай экан, бу қоида мураббийларга нисбатан ҳам татбиқ этилиши керак», деди Линекер.

«Ҳарри Реднапп — Англия терма жамоаси бош мураббийлигига мос келадиган инсон ва унинг ўзи ҳам термада ишлашни хоҳламоқда. У клуб ва терма жамоадаги ишини май ойига қадар биргаликда давом эттириши мумкин», деди собиқ футболчи.

«Шундан сўнг «Тоттенҳэм»га Испания чемпионатида ғолиб чиққан Жозе Моуриньо келаверса ҳам бўлади», дея қўшимча қилди Гари Линекер «Twitter»даги ўз саҳифасида.