Жейдон Санчо «Манчестер Юнайтед»да қайси рақам остида тўп суриши маълум қилинди. Бу ҳақда «манкунянликлар» Twitter саҳифаси хабар берди.
«Қизил иблислар» 23 июль куни Жейдон Санчони клуб футболчиси сифатида омма эътиборига таништирди. Aнглиялик 21 ёшли футболчи «Манчестер Юнайтед»нинг 25 рақамини эгаллади.

У Дортмундликлар сафида 7-рақамда тўп сурган. Манчестер клубида бу рақам Эдинсон Каванига тегишли.

Маълумот ўрнида, «Манчестер Юнайтед» Санчо учун немис клубига 85 миллион евро тўлади. Жамоа бунгача фақат Поль Погба (105 миллион евро) ва Ҳарри Магуайр (87 миллион евро) учун бундан кўпроқ сарфлаган.