«Барcелона» Антуан Гризманнга босим ўтказишда давом этади. Каталония клуби раҳбарияти зудлик билан маълум қарзлардан ва катта маошлардан халос бўлишни ўйлаб кўрмоқда.

Раҳбарият французга бошқа чемпионатга йўл олишни таклиф қилган. Бироқ Гризманн бу вариантдан мамнун эмас. Ҳужумчи ўзи учун ягона вариант - «Атлетико»га қайтиш эканлигини таъкидлаган.

Аввалроқ каталонияликлар бундай эҳтимолий трансфердан норозилигини билдирган эди. Чунки клуб аввалги хунук ҳолат - Луис Суарес билан боғлиқ вазият такрорланишидан қўрқади. Каталонияликлар ашаддий рақибларининг кучайиб кетишидан хавотирда.