«Барселона» ҳимоячиси Роналд Арауҳо клуб машғулотларига келиб қўшилди. У Уругвай терма жамоаси таркибида Копа Америкада иштирок этган ва юртидан яқиндагина қайтиб келган. Футболчи «Барселона»нинг шанба куни бўлиб ўтадиган «Штутгарт»га қарши ўртоқлик учрашувида майдонга тушиши мумкин бўлади.
Арауҳо ўтган мавсум Куман қўл остида 33 та учрашувда майдонга тушган. Шундан 23 тасини асосий таркибда бошлаган ва «Валенция» ҳамда «Хетафе»га қарши ўйинда гол уришга эришган.