«Лаборатория бокса» Youtube-канали Токио-2020 олимпиадасининг бокс мусобақасида энг оғир вазнда Баҳодир Жалоловни фаворит сифатида эътироф этди ҳамда унга ким рақиблик қилиши мумкинлигини тахмин қилди.

"Жалолов — ўз вазн тоифасида яққол фаворит. Аввалги жаҳон чемпионатларида у ўзининг барча рақибларини енгган. Бу вазнда қозоғистонлик кучли боксчи Қамшибек Қўнқабаев бор, аммо Баҳодир уни ҳам мағлуб этган. Жалолов АҚШлик Ричард Торресни ҳам таслим этган.

Жалоловга қаршилик қилиши мумкин бўлган ягона спортчи — кубалик атлет. У ҳали ҳеч кимга таниш бўлмаган 20 ёшли — Дайньер Перо. У қора тулпор", — дейди канал муаллифи.

Маълумот ўрнида. Баҳодир Жалолов финалгача етиб борса, қозоғистонлик ёки кубалик боксчи билан олтин медаль учун баҳслашиши мумкин.