«Астон Вилла» ва Англия терма жамоаси ярим ҳимоячиси Жек Грилиш «Манчестер Сити»га ўтишга яқин турибди.
Журналист Фабрицио Романонинг сўзларига кўра, «шаҳарликлар» кечадан буён музокаралар олиб бормоқда.
Манбага кўра, футболчини сотиб олиш таклифи аллақачон берилган, аммо музокаралар давом этмоқда.
Шунингдек, қайд этилишича, «Астон Вилла» ўз етакчисини сақлаб қолмоқчи ва шу сабабли унга катта маош билан шартномани узайтириш таклифини берган.
Бироқ, футболчининг ўзи клубдан кетмоқчилигини яширмаган.
