Токио-2020 олимпиадасининг бокс мусобақасида навбатдаги можаро юз берди.
Бокснинг энг оғир тоифасида франциялик боксчи Мурад Алиев ва британиялик Фрэйзер Кларк чорак финал босқичида тўқнаш келишди.
Иккинчи раундда Кларкнинг юзидан қон оқа бошлади ва унга икки марта тиббий ёрдам кўрсатилди. Ҳакам эса дастлаб Мураддан бир очкони олиб ташлади ва жангни тўхтатди. Бу вазиятда рефери франциялик спортчини атайлаб бош билан зарба берганликда айблади. Натижада асли Москвада туғилган спортчи дисквалификация қилинди.
Алиев эса бу қарорга нисбатан кескин норозилик билдирди. Норозилик сифатида у ярим соатда давомида рингни тарк этмасдан, ўша жойда ўтирди.
Кларк эса ярим финалда ўзбекистонлик Баҳодир Жалолов билан тўқнаш келади. Беллашув 4 август куни бўлиб ўтади.
