Суперлиганинг 13-туридан ўрин олган «Металлург» ва «Қизилқум» жамоалари ўртасидаги учрашувдан кейинги матбуот анжуманида дастлаб журналистларнинг саволларига меҳмонлар бош мураббийи Ҳамиджон Актамов жавоб қайтарди.

— Ҳар доим таннаффусдан кейин мана шундай оғир ўйинлар бўлиб ўтади. Бугун иккала жамоа ҳам қийналишди. Қўпол ўйин гувоҳи бўлдик, шундай бўлсада ғалаба қозондик. Ушбу ғалаба билан жамоамиз мухлисларини табриклайман. «Металлург» жамоасининг кейинги учрашувларида омад тилаб қоламан.

— «Металлург» жамоасидан қандай ўйин кутгандингиз?
— Аввалги учрашувда мағлуб бўлгандан кейин, «Металлург» жамоасидан бошқача ўйин кутгандим. Учрашувда яхши ўйин кўрсатди ва вазиятлар ярата олди.

— Бошланғич таркибда мезбонлар ҳужумчисиз бошлагани сизни ажаблантирмадими?
— Ажабланганим йуқ, сабаби биз ҳам бундай кўринишда кўп ўйнаганмиз.

— Ойбек Қиличевни жамоада олиб қолишнинг иложи бормиди?
— Унинг ҳам ўз хоҳиши бор. Майдонда ўзининг хоҳиши билан ҳаракат қилади. Демак, биздан ҳам яхшироқ таклиф бўлди ва у жамоадан кетди.

— Кейинги турдаги рақибингиз «Андижон» жамоаси ҳақида нима дея оласиз?
— Яхши жамоа шаклланган. Лекин у ерга ҳам ғалаба учун борамиз.