Ҳозиргина Бундеслиганинг 21-тур доирасидан ўрин олган бир неча учрашувлар ўз ниҳоясига етди. Бу тур мухлисларга ўзига хос, кутилмаган натижаларни туҳфа этди.

«Майнц» ўз майдонида «Ҳанновер-96» билан, «Ҳоффенхайм» эса меҳмонда «Вердер» билан дуранг ўйнаб, қимматли очколардан маҳрум бўлган бўлса, Дортмунднинг «Боруссия»си Кагаванинг 44-дақиқадаги ягона голи эвазига ғалабага эришди.

Турнинг энг йирик ҳисоби қайд этилган учрашувда «Штутгарт» «Ҳерта» дарвозаси тўрига жавобсиз бешта гол уришга муваффақ бўлди. Пешқадам «Бавария» эса «Кайзерслаутерн»ни 2:0 ҳисобда мағлубиятга учратди.

21-турнинг марказий учрашуви «Боруссия-Парк» стадионида Мёнхенгладбахнинг «Боруссия»си ва «Шальке-04» ўртасида бўлиб ўтди. Қизиқарли кечган учрашувда, «Боруссия» 3:0 ҳисобда устун келди.

Турнинг қолган икки учрашуви эртага бўлиб ўтади. Айни вақтда 21-ўйиндан сўнг Дортмуднинг «Боруссия»си 46 очко билан пешқадам бўлиб турибди. Ундан 2 очко кам жамғарган «Бавария» 2-ўринда. Учинчи ўриндаги Мёнхенгладбахнинг «Боруссия»сида 43 очко мавжуд. 41 очко тўплаган «Шальке-04» 4-ўринни эгаллаб турибди.

Германия Чемпионати. Бундеслига. 21-тур.

БОРУССИЯ Д – БАЙЕР 1:0 (1:0)
Голлар: Кагава (44).

БАВАРИЯ – КАЙЭЕРСЛАУТЕРН 2:0 (2:0)
Голлар: Гомес (6); Мюллер (30).

ШТУТГАРТ – ҲЕРТА 5:0 (4:0)
Голлар: Ибишевич (25); Харник (28); Окадзаки (32); Харник (41); Харник (58).

МАЙНЦ – ҲАННОВЕР-96 1:1 (1:0)
Голлар: Зидан (7) – Собьек 90.

ВЕРДЕР – ХОФФЕНХАЙМ 1:1 (0:1)
Голлар: Арнаутович (90) – Вестергор (4)

БОРУССИЯ М – ШАЛЬКЕ-04 3:0 (3:0)
Голлар: Ройс (3); Ханке (15); Аранго (32).

Турнинг қолган учрашувлари:
12.02 19:30 АУГСБУРГ - НЮРНБЕРГ
12.02 21:30 КЁЛЬН - ҲАМБУРГ