Агар «Рома» келажакда Элдор Шомуродовни сотишга қарор қилса, унинг олдинги клуби «Женоа» ушбу шартномадан маълум сумманинг қарийб 20 фоизини олиш ҳуқуқига эга бўлади.

Бу ҳақда РБК Спорт хабар бермоқда. Ҳафта бошида «Рома» 26 ёшли Шомуродовни 17,5 миллион еврога сотиб олганини эълон қилди. Рим клуби, шунингдек, «Женоа»нинг футболчи кейинги сотувининг маълум фоизига эга бўлишини ҳам эълон қилган.

«Рома»даги агентлар бу маълумотни тасдиқлашди ва Шомуродовнинг «бўрилар»даги трансферидан генуйликларга қўшимча бонуслар ҳам берилганини қўшимча қилди.

Шартномада бонусли ҳисоботлар кўрсатилган. Умуман олганда, «Женоа» футболчининг ўйинлари учун тахминан 2 миллион евродан кўпроқ олиши мумкин, - дея қўшимча қилади манба.

2020/21 йилги мавсумда Шомуродов «Женоа» сафида А Сериянинг 31 та ўйинида майдонга тушиб, 8та гол урган.