ФИФА Уругвай терма жамоаси либосидаги рамздан иккита юлдузни олиб ташлаш бўйича иш бошлади. Бундай қилинишига сабаб ташкилот томонидан 1924 ҳамда 1928 йилги Олимпиада ўйинларидаги футбол Жаҳон чемпионати сифатида тан олинмаслигидир.
Шу сабаб Уругвай либосидаги тўртта юлдуздан иккитаси олиб ташланиши лозим. Лекин бу нарсага мамлакат футбол федерацияси қарши чиққан. Агарда ушбу муаммо Уругвай фойдасига ҳал бўлса, у ҳолда Англияда ҳам яна иккита юлдуз бўлиши керак.
Чунки улар 1908 ва 1912 йилги ўйинларда ғалаба қозонган. Шунингдек, Бельгия ҳам 1920 йили Антверпенда ўтказилган Олимпиадада футбол бўйича олтин медалга эгалик қилган.
