"Тоттенхэм" ҳужумчиси Харри Кейн жамоанинг машғулотларини бойкот қилиш ниятини рад этди.

Аввалроқ, футболчи таътилдан сўнг, "шпорлар" уни сотишни истамагани учун клуб машғулотларига қайтишдан бош тортгани ҳақида хабар берилганди.

"Тоттенҳем"да дебют қилганимга қарийб 10 йил бўлди. Мухлислар доим мени қўллаб -
қувватлаб, ўз севгиларини кўрсатишди. Шу сабабли, менинг профессионаллигимга шубҳа туғдирадиган изоҳларни ўқиш мени ранжитади.

Вазият тафсилотларига ҳозирча тўхталмоқчи эмасман. Аммо аниқлик киритиш керакки, мен машғулотлардан ҳеч қачон воз кечмаганман ва бундан кейин ҳам воз кечмайман. Мен режалаштирилганидек шанба куни клубга қайтаман. Мен мухлислар билан муносабатларимга путур етказадиган ҳеч нарса қилмаган бўлардим ",- деб ёзди инглиз ўз твиттерида.

Ҳужумчи ўтган мавсумда 49 та ўйинда 33 та гол урди ва 17 та голли узатмани амалга оширди.
Унинг "Тоттенхэм" билан шартномаси 2024 йилгача тузилган.