"Нью-Йорк Ред Буллз" жамоаси ҳужумчиси Тьерри Анри январ ойида Лондоннинг "Арсенал" клубига ижарага берилганди. Ижара муддати тугагач, ортга қайтган футболчи келажакда яна жамоага қайтиши борасида гапириб ўтди.

"Мен ҳар доим айтиб келганман. Бу таклифни рад этишим қийин. Агар "Арсенал" яна қачондир мени хизматимга муҳтожлик сезса, ёрдам беришга тайёрман".

"Бу жудаям эмоционал ҳолат. Ҳакамнинг финал ҳуштаги чалиниб ўйин тугаганини билганимда, бу менинг премьер-лигадаги сўнгги учрашувим эканини тушуниб етдим. Бу ҳолатни сўз билан таърифлаб бера олмайман".

"Лекин "Ҳеч қачон "ҳеч қачон" дема, дейишган. Бундан бир неча ой муқаддам мен яна "Арсенал"га қайтиб тўп сураман деб ўйламагандим. Буни барчасининг ниҳояси деб атиш мумкин, лекин ким билади дейсиз яна қандай воқеалар бўлади. Агар "Арсенал" ҳақида бирор-бир гап чиқса, уни мен доим ҳаёжон билан қабул қиламан", дейди Анри.