«Андижон» жамоасининг Туркияда йиғин олиб бораётгани ҳақида хабар бериб ўтгандик. Йиғин мобайнида жамоа бир қатор хориж жамоаларига қарши назорат-синов учрашувларида майдонга тушади. Бу ҳақда клуб расмий сайти хабар тарқатмоқда.

Манбада ёзилишича, Анталиядаги дастлабки ўйин 16 феврал куни Хитой клубига қарши бўлиб ўтади. Иккинчи ўйин эса 20 февралга белгиланган. Ўша куни «Бургутлар» Швейцария жамоаларидан бири билан куч синашади. 23 февралда эса Украинанинг «Оболонь» (Киев) жамоаси рақиблик қиладиган бўлди. Шунингдек, 26 феврал куни ҳам яна битта назорат учрашуви ўтказилиши режалаштирилган. Айнан шундан кейин жамоа аъзолари Туркия йиғинини якунлайдилар.

Эслатиб ўтамиз, 11 феврал куни эрталаб Тошкент-Истанбул-Анталия йўналиши бўйича парвозга чиққан клуб  Анталиядаги «ARCADIA» меҳмонхонасига жойлашишди. У ерда футболчилар кунига икки маҳалдан кучайтирилган машғулотлар асосида тайёргарлик кўряптилар.