"Милан" франциялик ярим ҳимоячи Ясин Адли учун "Бордо"га 10 миллион евро таклиф қилди. Бу ҳақда "L'Equipe" нашри хабар бермоқда. Манбанинг хабарига кўра, Адлига "Милан"нинг техник директори Паоло Мальдинининг шахсан ўзи қизиққан. 21 ёшли Адли "Париж Сен-Жермен" ёшлар академиясини битирган.
Ярим ҳимоячи 2019-йилнинг қишида 5,5 миллион евро эвазига "Бордо"га кўчиб ўтганди.
Франциянинг сўнгги чемпионатида Адли 35 та ўйин ўтказиб, иккита гол ва 5 та голли узатмани
амалга оширди. Ясиннинг "Бордо" билан шартномаси 2023-йилнинг 30-июнигача амал қилади.
Трансфермаркет портали футболчини 9 миллион еврога баҳоламоқда.
