"Челси" бош мураббийи Томас Тухел жамоани тарк этиши мумкин бўлган ҳужумчи Тэмми Абрахам билан боғлиқ вазият ҳақида гапирди.
"Ҳозирда Тэмми жамоа билан, у яхши тайёргарлик даврини ўтказмоқда. Шубҳасиз, Абрахам ўтган олти ойдаги ўйинларидан мамнун эмас эди. Балки, менинг хатоим, қолган ўйинчиларга ишонган даражада унга ишонмаганлигим эди. Мен у кўпроқ ўйнашни хоҳлаётганини тушунаман. Қарорни Тэммининг ўзи қабул қилади. У таркибдан жойни қайтариб оладими ёки кўпроқ ўйин ўтказиш учун клубни ўзгартирмоқчи бўладими", - дея Тухелнингсўзларини келтиради Sky Sports нашри.
2020/21 йилги мавсумда Абрахам "Челси" таркибида 32 ўйинда майдонга тушиб, 12 гол ва 6 голли узатма муаллифи бўлган. Футболчи жамоага Томас Тухел келганидан кейин майдонга камроқ туша бошлади. Трансфермаркет портали форварднинг нархини 38 миллион еврога баҳоламоқда.
Эслатиб ўтамиз, футболчига ҳозирда Римнинг "Рома" клуби қизиқиш билдирмоқда.
