«Бенфика» ҳужумчиси Роман Яремчук Чемпионлар лигаси саралаш босқичининг «Спартак»ка қарши (2:0) жавоб ўйини ҳақида гапирди.
25 ёшли украиналик «бургутлар» сафида дебютини ўтказди ва учрашувнинг иккинчи ярмида захирадан майдонга тушди.
«Мен бахтлиман. Ҳозир қийин давр, чунки мавсум олдидан тайёргарлик кўрмаганман. Қўллаб-қувватлагани учун мураббийга раҳмат. Ҳамма мухлисларга ҳам.
Мен ҳаммага миннатдорчилик билдирмоқчиман. «Бенфика»да ўйнаш ажойиб. Мен ҳар куни кўпроқ гол уриш учун машғулот ўтказаман» - дейди Яремчук.
Эслатиб ўтамиз, «Бенфика» ҳужумчини «Гент»дан 5 йиллик шартнома эвазига 17 миллион еврога сотиб олганди.
