Туркиянинг Анталия шаҳрида бошланажак мавсумга жиддий тайёргарлик олиб бораётган Ғузорнинг «Шўртан» клуби йиғин давомида 8 та ўртоқлик учрашувида майдонга тушиши лозим эди. Ҳозирча Игорь Криушенко шогирдлари билан ўртоқлик учрашувида майдонга тушиши керак бўлган етти рақибнинг номи аниқ бўлди. Бу ҳақда клуб расмий сайти хабар тарқатмоқда.
«Фақатгина 22 феврал куни маҳаллий вақт билан соат 11:00да бўладиган ўртоқлик учрашувида рақиб номи шу кунларда аниқ бўлади», деб ёзилади клуб расмий сайтидаги хабарда.
Манбада маълум қилинишича, Анталияда «Шўртан» Тожикистон миллий терма жамоаси, Россиянинг «Амкар», Руминиянинг «Васлуй» ва Украинанинг «Севастополь» каби кўзга кўринган клублари билан баҳс олиб боради.
Игорь Криушенко бошчилигидаги «Шўртан» клуби ўртоқлик учрашувилари қуйидагича кўриниш олган.
15.02.2012 йил
Соат 11:00 «Шўртан» - Тожикистон миллий терма жамоаси
Соат 17:00 «Шўртан» - «Енисей» (Красноярск, Россия) (биринчи лига)
18.02.2012 йил
Соат 11:00 «Шўртан» - «Севастополь» (Украина)
Соат 17:00 «Шўртан» - «Напродак» (Сербия)
22.02.2012 йил
Соат 11:00 «Шўртан» - «???»
Соат 17:00 «Шўртан» - «Васлуй» (Руминия)
25.02.2012 йил
Соат 11:00 «Шўртан» - «Амкар» (Пермь, Россия)
Соат 17:00 «Шўртан» - «Торпедо» (Владимир, Россия)
Эслатиб ўтамиз, барча ўртоқлик учрашувлар вақтлари маҳаллий Туркия вақти билан кўрсатилган.
