"Вильярреал" Европа суперкубоги доирасида "Челси" билан баҳс олиб борди ва пенальтилар сериясида имкониятни бой берди. Испанияликлар таркибида ҳужумчи Жерар Морено гол урди. 73 -дақиқада у ҳужумчи Булае Дианинг узатмасидан фойдаланиб, Эдуард Менди дарвозасини ишғол қилди.
2021-йилда Моренонинг ҳисобида 23 та гол бор. Эътиборли жиҳати шундаки, Европанинг топ-5 лигаларидан фақат тўртта футболчи ундан кўпроқ гол уришга муваффақ бўлди: Лионел Месси, Роберт Левандовски, Килиан Мбаппе (28 тадан) ва Эрлинг Ҳоланд (27).
