"Интер" ҳужумчиси Лаутаро Мартинеснинг агенти Алекандро Каманьо мижози яқин орада жамоани ўзгартириши мумкинлиги ҳақидаги миш - мишларни рад этди.
«Лаутаро, Англия клубларининг таклифларига қарамай, "Интер"ни тарк этмайди. У Милан клубида бахтли. У жамоасини яхши кўради. Кейинги ҳафта биз раҳбарият билан учрашув ўтказамиз ва янги шартнома борасида муҳокама қиламиз. Лаутаро Миланда қолишни истайди", - дея Каманьонинг сўзларини келтиради журналист Фабрицио Романо.
2020/21 йилги мавсумда Мартинес "Интер" таркибида 48 та ўйинда майдонга тушиб, 19 та гол ва 11 та голли узатмани амалга оширган. Трансфермаркет портали 23 ёшли футболчини 80 миллион еврога баҳоламоқда.
