«Челси» ҳужумчиси Тамми Абрахамнинг «Рома»га трансфери барбод бўлиши мумкин. Ўтган ҳафта давомида 23 ёшли ҳужумчини Италияга кўчиши ҳақида кўплаб хабарлар тарқалган эди.
Итальян нашри бўлган «Corriere dello Sport»нинг ёзишича, Абрахам ҳамда «Рома» директори ўртасидаги суҳбат муваффақиятли ўтмаган. У Тиаго Пинто билан айрим масалалар бўйича аниқ тўхтамга кела олмаган.
Клуб мураббийи Жозе Моуриньо эса «Челси» форвардини жамоага олиб келмоқчи эди. Абрахам трансфери 34 миллион фунт бўлиши кўзда тутилган. Шу билан биргаликда футболчи «Астон Вилла» ҳамда «Арсенал» билан алоқаларини сақлаб тургани айтилган.
