"Арсенал" ҳужумчи Пер-Эмерик Обамеянгни сотишга тайёр, деб хабар беради The Times нашри.
Манбага кўра, "канонирлар" 32 ёшли габонлик учун бошқа клубларнинг таклифларини тинглашга
тайёр. Агар клуб фойдали деб ҳисоблаган таклиф тушса, Пьерни бошқа жамоаг сотиб юборишга тайёр.
Обамеянг 2018 йилнинг январидан "Арсенал" да ўйнайди. 2020/21 йилги мавсумда форвард
жамоа таркибида 39 та ўйинда майдонга тушиб, 15 та гол ва 4 та голли узатмани амалга оширди.
Трансфермаркет портали футболчини 25 миллион эврога баҳоламоқда.
