"Бавария" спорт директори Ҳасан Салиҳамиджич "Лейпсиг" ярим ҳимоячиси Марсель Забицерни
сотиб олиши мумкинлиги ҳақидаги маълумотларга изоҳ берди.
"Забицер бизнинг асосий нишонимизми? Сиз тушунишингиз керакки, агар музокаралар олиб борилса, улар махфийдир. Бу ҳурмат масаласидан. Толиссо? У ҳали ҳам Нагелсманн режаларига киритилган", - Салиҳамиджич.
Аввалроқ, Забицер "Лейпсиг"дан уни "Бавария"га сотишни сўрагани, Мюнхен клубининг ўзи
эса шартномани якунлаш устида ишлаётгани ҳақида хабарлар тарқалган эди. Ўтган мавсумда
Забицер барча мусобақаларда 39 та ўйинда майдонга тушиб, 9 та гол ва 7 та голли узатмани
амалга оширди.
