"Ювентус" ҳужумчиси Пауло Дибала Турин клубида янги шартнома бўйича йилига 10 миллион евро олишни хоҳламоқда. Бу ҳақида журналист Николо Скира хабар бермоқда.
Манбага кўра, футболчининг агенти 14 август куни аргентиналик футболчига керакли суммани тўлашга жамоа раҳбариятини ишонтиришни режалаштирган. "Ювентус" Дибаланинг маошини оширишга тайёр.
27 ёшли ҳужумчи Туриннинг "Ювентус" клубида 2015 йилнинг ёзидан буён ўйнамоқда.
Аргентиналик футболчининг амалдаги шартномаси 2022 йилгача мўлжалланган.
2020/21 йилги мавсумда Дибала "Ювентус" таркибида 26 та ўйинда майдонга тушиб, 5 та гол ва 3 та голли узатмани амалга оширди.
