"ПСЖ" бош мураббийи Маурисио Почеттино Лионел Мессининг мавсумнинг илк ўйинида майдонга туширилмаслиги мумкинлигини таъкидлади. У шундай дейди:
"Бизнинг биринчи вазифамиз, жамоа футболчиларини курашга қанчалик тайёрлигини аниқлаб олишдан иборат. Биз жамоанинг кучига аввалдан ишонч ҳосил қилишимиз керак. Леони майдонга туширишдан олдин бир нарсага эътибор беришимиз лозим. Бу унинг Копа Америкадан кейинги эндигина иккинчи машғулотда иштирок этиши. Биз нарсаларни тартиб билан амалга оширишимиз керак. Ўйинчиларни бир бирларини билишига имкон ва вақт беришимиз, қулайлик яратишимиз лозим. Мессига ҳали вақт берилиши зарур".
Лео Месси ҳафта аввалида Парижга кўчгани эълон қилинган эди.
