"Реал Мадрид" бош мураббийи Карло Анчелотти Испания чемпионатининг биринчи турида
"Алавес" устидан қозонилган ғалаба ҳақида фикр билдирди. Учрашув Витория шаҳридаги
"Мендисорроса" стадионида бўлиб ўтди ва 4:1 ҳисобида мадридликларнинг ғалабаси билан
якунланди.
"Биринчи бўлимда биз тўп билан ҳам, тўпсиз ҳам бироз секин ҳаракат қилдик. Иккинчи бўлимда
бизда шиддат ва сифат кўпроқ эди. Тўғри, олдинда ўйнаш қийин эди, чунки "Алавес" жуда
яхши ҳимояланди. Каримнинг биринчи голи ўйинни очиб берди, лекин мен тўп билан ва тўпсиз
шиддатли ўйнашни хоҳлайман", - дейди Анчелотти.
