«Реал» клуби раҳбарияти «Сантьяго Бернабэу» стадионини Испания Кубоги финали учун тақдим этишдан бош тортди.
Эслатиб ўтамиз, финалда «Барселона» ва Бильбаонинг «Атлетик» клублари жамоалари ўзаро тўқнаш келишади. Иккала жамоа ҳам айнан «Сантьяго Бернабэу»да ўйин ўтказишни исташётган эди. Аммо «Қироллик клуби» бунга розилик бермаяпти. Ҳарчанд спорт принципларига зид бўлмасин, «қаймоқранглилар» «Барселона» айнан уларга тегишли майдонда яна бир бор муваффақиятга эришишини кўришга тоқатлари йўқ, деб хабар беради испан нашрлари.
«Атлетик» президенти Хосе Уррутия Флорентино Перес билан икки бор учрашган бўлса-да, ҳар иккисида рад жавобини олган.
1903 йилдан буён ўтказилиб келинаётган Испания кубоги – «Copa del Rey»нинг финали 1955 йилдан буён шу вақтгача 29 марта «Сантьяго Бернабеу»да ташкиллаштирилган. «Реал» ўз майдонида ўтган финалларнинг 7 тасига чиқиб, 5 марта ютқазган (Улардан бирини айнан «Барселона»га!). «Барселона» эса «Сантьяго Бернабеу»да ўтказилган финалларга 6 марта чиқиб, атиги 1 марта 1984 йилда айнан «Атлетик» Бильбаога ютқазган.
