«Лидс Юнайтед» клуби ўз ҳужумчиси  Патрик Бемфорд билан янги шартнома имзоламоқчи. «Telegraph» нашрининг хабар қилишича, клуб «Тоттенхем»дан ҳужумчи учун бўлаётган жиддий қизиқишлардан хавотирга тушган.

Чунки Лондон клуби 27 ёшли инглиз учун Кейн ўрнига яхши жой тайёрлаб қўйган бўлиши мумкин. Бемфорд ўтган мавсумда ёрқин ўйин намойиш этиб, АПЛ тўпурарлар жадвалида иккинчи ўринни банд этди. У 17 та голга муаллифлик қилган ва улардан атиги биттасини пенальтидан киритган, холос.

Ҳужумчи 2018 йилда «Мидлсбро» клубидан 7 миллион фунтга харид қилинган эди. Бемфорднинг амалдаги шартномаси 2022 йилнинг ёзигача мўлжалланган.