Қишки трансфер мавсумида «Милан» клуби ҳужумчиси Алешандре Патони Франциянинг «ПСЖ» клубига ўтишига сал қолганди. Аммо нимадир бўлиб, трансфер сўнгги дақиқаларда амалга ошмай қолди.
Патонинг севгилиси Барбара Берлускони бу трансфернинг амалга ошмай қолишини унга алоқаси йўқлигини айтиб ўтди.
Трансфер мавсуми пайтида Карлос Тевес билан Пато тиллардан тушмади. Кўпчилик Патонинг аниқ Парижга кетишини башорат қилганди. Бу трансфернинг амалга ошмай қолишида романтик муносабатлардан кўра моддий муаммолар катта роль ўйнаганига урғу берган Барбара “Отам ва Галлианининг қарори билан Пато клубда қолди. Мен бу борада ҳеч қандай роль ўйнамадим. Агар «Милан»га маъқул таклиф келганида эди, клуб унинг кетишига рухсат берарди” деди.
Шунингдек, у Патонинг профессионал фаолиятига аралашмаслигини ҳам қўшимча қилди.