"Барселона" ҳимоячиси Жорди Альба маошни қисқартиришга рози эмаслиги ҳақидаги миш-мишларга изоҳ берди.

"Матбуот менинг маошим ҳақида анчадан буён ёзмоқда. Клуб менга фақат икки ёки уч
ҳафта олдин маошни қисқартириш таклифи билан мурожаат қилди. Мен ҳар доим ўз жамоамга ёрдам беришни хоҳлаганман. Ҳеч ким шубҳаланмасин, мен "Барселона"га энг яхши тилакларимни
тилайман ва бутун жамоам тақдирини қўллаб-қувватлайман.

Ёлғонни эшитиш менга оғриқ келтиради. Бу клуб менга кўп нарсани, деярли ҳамма нарсани
берди. Мен ҳақимда нима дейилганини назорат қила олмайман. Одамлар газета ўқийдилар, радио
тинглайдилар. Мен ҳар доим тўғридан-тўғри гапираман. Мен "Барселона"ни яхши кўраман,
чунки мен шу ерда ўсганман", - дейди Альба .