"ПСЖ" билан янги шартнома имзолашдан воз кечган француз юлдуз ҳужумчиси Килиан Мбаппе фаолиятини Англия Премьер-лигасининг топ -клубида давом эттириши мумкин. Бу ҳақда Goal портали хабар бермоқда.
Журналистларнинг таъкидлашича, "Ливерпуль" 22 ёшли форвард учун курашмоқчи. Мерсисайдликлар Килианни жорий мавсум охирида, эркин агент мақомида қўлга киритишни мақсад қилган.
Шу билан бирга, Мбаппенинг ўзи ҳам анчадан буён "Реал"га ўтишни орзу қилган. Аввалроқ, "қаймоқранглилар" франциялик футболчини август охиригача сотиб олиши мумкинлиги ҳақида хабар берилганди.
Эслатиб ўтамиз, Килиан 2017 йилдан буён Париж клубида ўйнайди.
