«Барселона» клуби ҳимоячиси Хорди Алба «Реал Соседед»га қарши ўйиндан кейин мухлислар масхарасидан норози бўлди. «Барса» ҳалиям Мессини қўйиб юборгани учун мухлислари босими ва танқидига дучор бўлмоқда. Алба эса таркибдаги энг кўп танқидларга учраётган футболчи саналади.

У ўйиндан кейин бу ҳолат юзасидан ўз фикрини айтиб ўтди: « Евро 2020дан олдин ҳали ҳеч ким мени бундай ҳақоратламаган эди. Мен клуб айтган кўрсатма бўйича ҳаракат қиламан. Мен шу ерда, Барселонада бутун умримни ўтказмоқдаман. Менга нисбатан мухлислар қилаётган ноҳақликлар мени ташвишга соляпти. Тез орада клуб президенти асл ҳақиқатни, нима бўлганини ошкор қилади. Умид қиламанки, Месси масаласида у ҳаммамизга асл ҳақиқатни баён қилади. Унгача ҳар қандай гаплар ўринсиздир. Ёлғонлар эса мени чарчатади».