«Barselona» klubi himoyachisi Xordi Alba «Real Soseded»ga qarshi o‘yindan keyin muxlislar masxarasidan norozi bo‘ldi. «Barsa» haliyam Messini qo‘yib yuborgani uchun muxlislari bosimi va tanqidiga duchor bo‘lmoqda. Alba esa tarkibdagi eng ko‘p tanqidlarga uchrayotgan futbolchi sanaladi.
U o‘yindan keyin bu holat yuzasidan o‘z fikrini aytib o‘tdi: « Yevro 2020dan oldin hali hech kim meni bunday haqoratlamagan edi. Men klub aytgan ko‘rsatma bo‘yicha harakat qilaman. Men shu yerda, Barselonada butun umrimni o‘tkazmoqdaman. Menga nisbatan muxlislar qilayotgan nohaqliklar meni tashvishga solyapti. Tez orada klub prezidenti asl haqiqatni, nima bo‘lganini oshkor qiladi. Umid qilamanki, Messi masalasida u hammamizga asl haqiqatni bayon qiladi. Ungacha har qanday gaplar o‘rinsizdir. Yolg‘onlar esa meni charchatadi».
