"Манчестер Сити" ушбу трансфер ойнасида "Тоттенхэм" ҳужумчиси Харри Кейнни сотиб олиш ҳаракатларини давом эттирмоқда. "Шаҳарликлар" ёзда форвард учун 120 миллион фунт тўлашга тайёр, деб хабар беради ESPN.
Аммо, "шпорлар" шартномаси яна уч йилга тузилган ўз футболчиси учун 150 миллионевро сўрамоқда. Англияда трансфер ойнаси 31 августда ёпилади.
Агар бу трансфер амалга ошса, "Сити" янги рекорд ўрнатади - бу Премер -лига тарихидаги энг қиммат трансфер бўлади. Эслатиб ўтамиз, жорий рекорд ҳам "шаҳарликлар"га тегишли ва яқинда
"Ман Сити" ярим ҳимоячиси Жек Грилишни "Астон Вилла"дан 100 миллион фунтга сотиб олганида ўрнатилганди.
Ўтган мавсумда Кейн барча турнирларда 49 учрашувда майдонга тушиб, 33 гол ва 16 голли узатма муаллифи бўлган.
У Премьер-лиганинг янги мавсумининг очилиш учрашувини ўтказиб юборди, унда "Тоттенхэм" "Манчестер Сити"ни мағлуб этди (1:0).