"Интер" ҳужумчиси Лаутаро Мартинес клуб билан шартномасини узайтирмоқчи. Бу ҳақда футболчининг агенти маълум қилди.

"Лаутаро "Интер"да қолишни истайди. У лойиҳага ишонади ва ғалаба қозонишни хоҳлайди. Чоршанба куни мен "Интер" раҳбарияти билан учрашиб, унинг шартномасидаги вазиятни муҳокама қиламан. Премьер-лига клублари Лаутарога қизиқиш билдиришди, лекин у қолишга тайёр", - дея агентнинг сўзларини келтиради журналист Фабрицио Романо.

Мартинес "Интер"да 2018 йилдан бери ўйнайди. 23 ёшли ҳужумчининг "нерадзуррилар" билан шартномаси 2023 йилнинг июнига қадар тузилган.