"Манчестер Юнайтед" ярим ҳимоячиси Андреас Перейра жамоани тарк этишга яқин турибди, деб хабар беради ESPN нашри. Футболчи манкунианликлар раҳбарияти билан учрашиб, ўзининг келажагини муҳокама қилмоқчи.
Маълум бўлишича, унга "Фламенго" қизиқиш билдирмоқда, бироқ Бразилия клуби футболчини ижарага олмоқчи, бу эса "Манчестер Юнайтед"га тўғри келмайди. Футболчининг ўзи ҳам доимий равишда бошқа клубга ўтмоқчи.
Эслатиб ўтамиз, Перейра "Манчестер Юнайтед"нинг асосий таркибида 2015 йилда дебют қилган эди. У "Валенсия" ва "Лацио"да ижарада ўйнаган. Унинг манкунианликлар билан шартномаси 2023 йилнинг ўрталарига қадар амал қилади.
