"Ювентус"нинг янги футболчиси Кайо Хорхе нима учун 21-рақамни танлаганини тушунтириб берди. Бразилиялик футболчи Турин клуби билан 2026 йилгача шартнома имзолади.
"Бу ерда уни буюк футболчилар кийган: Пирло, Дибала, Зидан ва Игуаин. Умид қиламанки, бу формада ҳам кўп гол ураман. Менинг мақсадим - жамоадошларимга имкон қадар гол уриш, ёрдам бериш ва Чемпионлар Лигаси совринларни қўлга киритиш", - дея Хорхенинг сўзларини келтиради Football Italia нашри.
19 ёшли бразилиялик футболчи жорий мавсум "Сантос" сафида барча мусобақаларда 27 ўйинда майдонга тушиб, 8 гол ва 3 голли узатма муаллифи бўлган.
