"Ливерпуль"нинг мисрлик футболчиси Муҳаммад Салаҳнинг келажаги ноаниқликча қолмоқда. Баъзи нашрларнинг ёзишича, футболчи бошқа клублардан таклиф кутмоқда. Бунга сабаб сифатида, Салаҳнинг агенти Рами Аббос "Ливерпуль"нинг "Норвич"га қарши ўйинидан кейин (3:0) билдирган фикри кўрсатилмоқда.
"Умид қиламанки, улар Салаҳнинг ўйинини томоша қилишади",-деб ёзади агент.
Матбуот буни Салаҳ билан шартнома борасида музокаралар олиб борилмагани белгиси сифатида баҳолади. Мисрлик турли таклифларни кўриб чиқишга тайёр. Салаҳнинг ўзи эса энг устувор вазифаси клубда қолиш эканлигини таъкидлаган.